Ուսումնական ժամերգության կազմակերպման կարգ
«Մխիթար Սեբաստացի» կրթահամալիրի հեղինակային մանկավարժական ծրագրով «Ուսումնական ժամերգությունը» (այսուհետ՝ ժամերգություն) կրթահամալիրի կողմից մշակված հոգևոր, միասնական և ներառող հանրակրթական ծեսի նախագիծ է, որն իրականացվում է Երևանի Սուրբ Երրորդություն եկեղեցում: Նախագիծը կարող է իրականացվել նաև այլ եկեղեցիներում՝ ըստ նախապես հրապարակված, հաստատված ծրագրի, ներառվելով ուսումնական օրացույցում։
- Ուսումնական ժամերգությունը կազմակերպվում է ըստ «Մխիթար Սեբաստացի»
կրթահամալիրի ուսումնական օրացույցի՝ նախօրոք հրապարակված ժամանակացույցով՝
ամեն ուրբաթ՝ ժամը 9.00-9.15։
- Ժամերգությանը մասնակցում են 4-12-րդ դասարանների սովորողներ,
Քոլեջի ուսանողներ, դասավանդողներ, ծնողներ, հյուրեր, նախագծային
խմբեր, եկեղեցու հավատացյալներ, գործընկերներ, երբեմն միանում են
հոգևորականներ, եկեղեցու այլ սպասավորներ:
- Ժամերգության կազմակերպման պատասխանատուներն են տվյալ դպրոցի ծրագրի
ղեկավարը, երաժիշտը, կազմակերպիչը, մասնակցում են նախօրորք որոշված
նախագծային խմբերը:
- ժամերգության բովանդակության պատասխանատուն է նախագծում ընդգրկված
երաժիշտ-մասնագետը, մայրենիի ուսուցիչը, նախագծի համակարգողը, երաժշտության
լաբորատորիայի ղեկավարը:
- Մանկավարժական աշխատողը ժամերգությանը մասնակցում է դպրոցի ղեկավարի
որոշած նախագծային խմբի, կամ դասարանի հետ:
- Սովորողի մասնակցությունը հաշվառում և գրանցում է ծրագրի ղեկավարի կողմից
նշանակված պատասխանատու մանկավարժական աշխատողը։
- ժամերգության ծրագիրը կազմում է պատասխանատու դպրոցի երաժիշտը, մայրենիի
դասավանդողը, որ ծրագրի ղեկավարի, երաժշտության լաբորատորիայի ղեկավարի
հաստատումից հետո տեղադրվում է դասավանդողի բլոգում (հրապարակվում է առնվազն
երկու օր առաջ), դպրոցի ենթակայքում, գլխավոր կայքում:
- ժամերգության տվյալ օրվա ծրագրին մասնակցելու հրավերը ուղարկվում է
սովորողների, ծնողների, դասավանդողների էլեկտորնային հասցեներին:
- Ժամերգության մասնակիցները եկեղեցի են գալիս մինչև ժամը 9.00, առանց ուշանալու, մնում են մինչև վերջ:
Ուսումնական ծրագրում
կարող են ներառվել՝
- հոգևոր ծրագրային, նախագծային անհատական, խմբային երգեր, շարականներ, հատվածներ պատարագից,
- հոգևոր ծրագրային, նախագծային (անհատական, խմբային) աստվածաշնչային, հոգևոր գրականության, շարականների ընթերցումներ,
- եկեղեցական տոնացույցի՝ տոների, ծեսերի շրջանակում հոգևոր բովանդակության երգեր, շարականներ, ընթերցումներ,
- կրթահամալիրի ուսումնական օրացույցի շրջանակում հոգևոր բովանդակության երգեր, շարականներ, ընթերցումներ,
- հոգևոր զրույցներ և ժամանակակից հոգևոր ընթերցումներ,
- հոգևոր բովանդակություն ունեցող այլ ծրագրային և նախագծային նախաձեռնություններ: