Կրթահամալիրի առաջին դասարանցիների՝ «Մուտք կրթահամալիր» ճամբարի կազմակերպման կարգ
Կրթահամալիրում առաջին դասարանցիների՝ «Մուտք կրթահամալիր» ճամբարը հեղինակային կրթական ծրագրով, ամենամյա ուսումնական օրացույցով որոշված բաց աշխատարան է, որին մասնակցելը պարտադիր է հեղինակային կրթական ծրագրով սովորել ցանկացող վեց տարեկանների համար։
Ճամբարի կազմակերպումը հեղինակային կրթական ծրագիր իրականացնող հանգույց-դպրոցների օրացույցի պարտադիր նախագծերից է, որի ձևը որոշում է դպրոցը։
«Մուտք կրթահամալիր» ճամբարի նպատակներն են՝
- առաջին դասարան ընդունվող սովորողին, ծնողին ներառելու հեղինակային կրթական ծրագրում,
- ծանոթացնելու հեղինակային մանկավարժությանը, ուսումնական գործի կազմակերպման առանձնահատկություններին,
- ուսուցման միջավայրին, ուսուցման համար անհրաժեշտ հմտություններին,
- անհատական գործիքներին։
«Մուտք կրթահամալիր» ճամբարի կազմակերպման պատասխանատուն կրտսեր դպրոցի ղեկավարն է։
Դպրոցի ճամբարի աշխատակարգը կազմում է դասվարը։ Այն հաստատում է ծրագրի ղեկավարը։ Աշխատակարգը, որպես բաց նախագիծ, հրապարակվում է դասվարի բլոգում ճամբարի մեկնարկից 5 աշխատանքային օր առաջ:
Դասվարը ճամբարից 5 օր առաջ նամակով գրանցված ծնողներին տեղեկացնում է ճամբարի մասին, կցում ճամբարի ծրագիրը:
Ճամբարը կարող է կազմակերպվել ըստ հետևյալ ձևերի՝
- առկա
- համակցված
Արտակարգ պայմաններում ըստ անհրաժեշտության (սովորողի բացակայություն երկրից, առողջական վիճակ, համավարակ)՝ ճամբարը կարող է կազմակերպվել նաև առցանց։
«Մուտք կրթահամալիր» ճամբարներն սկսվում են արդեն գրանցված 6 տարեկանների հետ յուրաքանչյուր ուսումնական տարվա մարտ ամսից։
Առաջին դասարանի «Մուտք կրթահամալիր» ճամբարն ունի երկու բաղադրիչ՝
1․ ծնողական ակումբներ,
2․ աշխատանք սովորողների հետ։
1․ Ծնողական ակումբների ուղղություններ են՝
- ծանոթություն կրթահամալիրի ֆիզիկական միջավայրին, մեդիամիջավայրին,
- ծանոթություն ուսումնառության պայմանագրին, ուսումնական պլանին,
- ծանոթություն լրացուցիչ կրթության ծառայություններին,
- մեդիակրթության կազմակերպում,
- ծանոթություն ծնողի ընթերցարանին։
2․ Դպրոց-պարտեզի առաջին դասարանի՝ «Մուտք կրթահամալիր» ճամբարի գործունեության ուղղություններ՝
- ընդհանուր պարապմունք (երգ, պար, ընթերցումներ, խաղեր-խաղիկներ)
- մարմնամարզություն
- տեխնոլոգիական գործունեություն
- լող բացօթյա լողավազանում
- հեծանվավարություն
- շրջակա միջավայրի խնամք
- այցելություն Ագարակ
- այցելություն բույսերի լաբորատորիա։
Սովորողը ճամբարին մասնակցում է 3 օր՝ 3-ական ժամով։ Օրերի ընտրությունը կատարվում է ծնողների, դպրոցի համաձայնությամբ (սովորաբար շուրջտարյա ճամբարների ընթացքում), ըստ որի օրացույցը հրապարակվում է դպրոցի ընդունելության էջում։
Հատուկ կարիքով սովորողի մասնակցությունը ճամբարին կազմակերպվում է մասնագետի աջակցությամբ։
Ուսումնական տարվա ընթացքում սովորողը ծնողի հետ կարող է այցելել կրթահամալիր, ծանոթանալ, էլեկտրոնային կամ առկա եղանակով գրանցվել կրթահամալիրի 4 դպրոց-պարտեզներից մեկում՝
«Մուտքի կրթահամալիր» ճամբարի արդյունքով սովորողի ծնողի հետ սահմանված կարգով կնքվում է ուսումնառության պայմանագիր։
Աղբյուրը՝ Մանկավարժության լաբորատորիայի բլոգ