Երևանի «Մխիթար Սեբաստացի» կրթահամալիրի Ավագ դպրոցը հրավիրում է սովորելու 2023-2024 ուսումնական տարվա 9-րդ, 10-11-րդ, 12-րդ դասարաններում։ Կրթական ծրագրի կազմակերպումը՝ ուսումնական օրացույցով, ուսումնական նախագծերով, ուսուցման անհատական թվային գործիքներով, անհատական ուսումնական պլաններով։ Ուսումնական պլանի անհատականացումը՝ սովորողի ընտրությամբ, խորացված ուսուցման, լրացուցիչ կրթության դասընթացների միջոցով.

• ծրագրավորման-ինժեներական ստեղծագործական
• կերպարվեստի (քանդակ, կոմպոզիցիա և դիզայն, համակարգչային գրաֆիկա և դիզայն, անիմացիա, մոդելավորում, գունանկար, գծանկար)
• միջմշակութային հաղորդակցության (օտար լեզուներ-թարգմանություն-լրագրություն-հասարակագիտություն)
• մարզական ակումբներ (հրաձգություն, նետաձգություն, սուսերամարտ, հեծանիվ, վոլեյբոլ, բասկետբոլ, ֆուտբոլ, թենիս,մարմնամարզություն)
• ռազմամարզական-արշավախմբային ճամբարները ՆԶՊ դասընթացի այլընտրանք
• սովորողի հետազոտական աշխատանքը, որպես պարտադիր բաղադրիր։

Ուսուցման կազմակերպման ձևերը՝ առկա, հեռավար, հեռավար-ինքնակրթությամբ։

Օտար լեզուն (առաջին, երկրորդ) սովորողի ընտրությամբ՝ անգլերեն, արաբերեն, վրացերեն, թուրքերեն, պարսկերեն, ֆրանսերեն, գերմաներեն, իսպաներեն, իտալերեն, ռուսերեն, չինարեն։ Նախասիրությունների զարգացման բաց ակումբներ, ուսումնական օրացույցով որոշված բաց ստեղծագործական հավաքներ, ստուգատեսներ, ցուցահանդես-համերգ-ներկայացումներ, տոներ։ Քաղաքային, արշավախմբային-ռազմամարզական ճամբարներ, միջազգային ուսումնական նախագծերի-հավաքների, ճամբարների մասնակցություն, կրթական փոխանակումներ։ Սովորողների, դասավանդողների արձակուրդային ուսումնական նախագծեր։ Անհատական պլանով որոշված խորացված ուսուցման, մասնագիտական ուսուցման պատշաճ միջավայր՝ արդիական արվեստանոց-արհեստանոց-լաբորատորիաներով։

Ընդունելության պայմանները՝

• մասնակցություն «Մուտք կրթահամալիր» ճամբարին՝ երևանյան և արտագնա փուլ՝ Արատես դպրական կենտրոն
• կրթական ծրագրին ծանոթություն
• անհատական ուսումնական պլանի կազմում
• ուսումնառության պայմանագրի կնքում

Մուտք ճամբարին մասնակցելու համար հայտագրվեք հետևյալ հղումով։

Մուտքի ճամբարի ժամանակացույց

• Առաջին փուլ՝ հուլիսի 4-9
• Երկրորդ փուլ՝ հուլիսի 15-21
• Երրորդ փուլ՝ օգոստոսի 15-21

Մանրամասն տեղեկությունների համար եկեք Ավագ դպրոց՝ Ա. Բաբաջանյան 25, զանգեք (010) 74 00 42։