Ուսումնական օրացույցի վարման կարգ
![Ուսումնական օրացույցի վարման կարգ](https://uploads.mskh.am/uploads/posts/post_66426fbb848188eb810011e7_img.png)
Կրթահամալիրի ուսումնական տարվա օրացույցը մշակվում է մանկավարժության կենտրոնում՝ ուսումնական նախագծերի, դպրոցների, մասնախմբերի, ուսումնական կենտրոնների ղեկավարների մասնակցությամբ։
Օրացույցը հաստատում է կրթահամալիրի տնօրենը՝ մինչև ուսումնական տարվա մեկնարկը։ Ուսումնական տարվա ընթացքում ուսումնական օրացույցում փոփոխություններն արվում են կրթահամալիրի տնօրենի թույլտվությամբ։ Կրթահամալիրի օրացույցը հրապարակում է կրթահամալիրի մանկավարժության կենտրոնը «Ուսումնական օրացույց» բլոգում, կրթահամալիրի կայքի «Օրացույց» բաժնում։
Ուսումնական օրացույցի հավելվածներն են դպրոցների, ուսումնական կենտրոնների, մասնախմբերի, ստուգատես-ստեղծագործական հավաքների ամսական օրացույցները։ Դրանք կազմում և հրապարակում են դպրոցների, ուսումնական կենտրոնների, մասնախմբերի ղեկավարները՝ ուսումնական նախագծերի, ստուգատես-ստեղծագործական հավաքների աշխատակարգերի հիման վրա։
Կրթահամալիրի ամսվա ուսումնական օրացույցը կազմվում է մինչև նախորդ ամսվա վերջին երեքշաբթի օրը՝ կրթահամալիրի մասնաժողովի նիստը։ Օրացույցը կազմվում է կրթահամալիրի տարեկան, դպրոցների, ուսումնական կենտրոնների ամսական օրացույցների, ուսումնական նախագծերի, ստուգատես-ստեղծագործական հավաքների՝ հրապարակված ծրագրերի-աշխատակարգերի հիման վրա։ Օրացույցը հրապարակում է մանկավարժության կենտրոնը։ Օրացույցում հիմնավորված լրացումներ, փոփոխություններ արվում են ուսումնական շաբաթվա նախորդ ուրբաթ օրը։ Փոփոխություններն առաջարկում են դպրոցների, ուսումնական կենտրոնների ղեկավարները՝ ուսումնական նախագծերի, ստուգատես-ստեղծագործական հավաքների ղեկավարները։
Կրթահամալիրի օրվա աշխատակարգը կազմվում է ամսվա օրացույցի, դպրոցների, ուսումնական նախագծերի, ստուգատես-ստեղծագործական հավաքների օրվա աշխատակարգերի հիման վրա։ Օրվա աշխատակարգում գործերը ներառվում են հղումներով։
Օրվա աշխատակարգը ուսումնական օրացույցի բլոգում հրապարակվում է նախորդ աշխատանքային օրը՝ մինչև 13։00, որպես նախագիծ։ Դպրոցների, ուսումնական կենտրոնների, ուսումնական նախագծերի, ստուգատես-ստեղծագործական հավաքների ղեկավարները մինչև 15։00 դրանում լրացում առաջարկում են գրավոր՝ հղում-հիմնավորումով։ Դրանից հետո աշխատակարգը հրապարակվում է նաև կրթահամալիրի կայքում։ Ուսումնական օրացույցում փոփոխություն արվում է միայն կրթահամալիրի տնօրենի թույլտվությամբ։
Ուսումնական օրացույցի օրվա աշխատակարգն ունի հաստատուն կետեր:
Աշխատանքային բոլոր օրերին՝
8:00-ից՝ ուսումնական երթ կրթահամալիր միասնական, անհատական երթուղիներով
9:00-ից՝
- Գործունեություն 2-5 տարեկանների խնամքի և զարգացման խմբերում՝ Արևելյան, Արևմտյան, Հյուսիսային, Հարավային դպրոց-պարտեզներում, Քոլեջում
- Ուսումնական պարապմունքներ Արևելյան, Արևմտյան, Հյուսիսային, Հարավային դպրոց-պարտեզներում, միջին դպրոցում, հետազոտական վարժարանում, քոլեջում
9։00-9։15՝ ընդհանուր պարապմունքներ Արևելյան, Արևմտյան, Հյուսիսային, Հարավային դպրոցպարտեզներում, միջին դպրոցում, հետազոտական վարժարանում, քոլեջում
13։30՝ երկարացված օրվա ճամբարներ Արևելյան, Արևմտյան, Հյուսիսային, Հարավային դպրոց-պարտեզներում, միջին դպրոցում
Օրվա երկրորդ կեսին՝ ուսումնական պարապմունքներից հետո, հաստատուն են նաև
- ստեղծագործական խմբերի հանդիպումները (երգչախմբեր, Գրական ակումբ, Մանկավարժական ակումբ)՝ շաբաթը երկու անգամ.
- անկավարժական խորհուրդների, մասնագիտական խմբերի հավաքները՝ ամիսը մեկ անգամ.
- դասավանդողների մասնագիտական զարգացման սեմինար-պարապմունքները՝ շաբաթը մեկ անգամ.
- Առարկայական ֆլեշմոբները՝ ամիսը մեկ անգամ.
- ուսումնական ժամերգություն, ուրբաթ-համերգ՝ շաբաթը մեկ անգամ
- աշխատողների ժողով՝ ամիսը մեկ անգամ
- վարչական խորհրդի, մասնաժողովի հավաքներ՝ ամիսը 1-2 անգամ.
Բոլոր տեսակի հանդիպումները և հավաքները օրացույցում արձանագրվում են համակարգողների ներկայացրած աշխատակարգի հիման վրա, որում պիտի արտացոլված լինի հավաքի, հանդիպման
- Ամսաթիվը, վայրը
- Մասնակիցների ցուցակը
- Նպատակը, կազմակերպման ձևը
- Անհրաժեշտության դեպքում կցված լինեն տեղեկություններ մարդու, թեմայի մասին
Բոլոր տեսակի նախաձեռնությունների տևողությունները չպիտի գերազանցեն 60 րոպեն:
Օրացույցում ներկայացված նախաձեռնությունը պիտի հաստատված լինի դպրոցի ղեկավարի, մասնագիտական խմբի, ուսումնական կենտրոնի ղեկավարի կողմից:
Երկու և ավելի կարևոր նախաձեռնություն չեն կարող կազմակերպվել միևնույն օրվա միևնույն ժամին: Օրվա, ժամի փոփոխությունը արվում է համաձայնությամբ:
Ուսումնական օրացույցում արտացոլվում են նաև օրվա ուսումնական ճամփորդությունները:
Ուսումնական օրացույցի կատարողականը
Ուսումնական օրացույցում ընդգրկված նախաձեռնությունների կատարողականի պատասխանատուն դպրոցների, մասնախմբերի, ուսումնական կենտրոնների ղեկավարներն են:
Հավաքները, հանդիպումները, կլոր սեղանները, ընդունելությունները, ճամփորդությունները լուսաբանվում են կայքում: