Վեց տարեկանների «Մուտք» ճամբարի առաջին փուլի ամփոփում
3/29/2024, 10:02:00 AM
«Պարտեզ» ամսագրից
Մարտի 25-29-ը «Մխիթար Սեբաստացի» կրթահամալիրի Հարավային, Հյուսիսային, Արևելյան, Արևմտյան դպրոց-պարտեզներում կազմակերպվեց 2018 թվականին ծնված 6 տարեկան առաջին դասարանցիների «Մուտք» ճամբարը: Եռօրյա ճամբարին մասնակցում են հեղինակային կրթական ծրագիրն ընտրել ցանկացող ընտանիքները: Այն նպատակ ունի ծանոթացնելու հեղինակային կրթական ծրագրի կազմակերպման կարգերին, փաստաթղթերին, ուսումնական միջավայրին, ուսուցման առանձնահատկություններին:
Մուտքի ճամբարականներն այս օրերին՝
- ծանոթացել են խաղի միջոցով,
- խաղ-ուսուցմամբ բերանացի ընթերցել են բանաստեղծություններ,
- մասնակցել են ընդհանուր պարապմունքին,
- միասին երգել են,
- նկարել են,
- աշխատել են կավով, ծեփել են,
- պատրաստել են այլընտրանքային զատկական ձվիկներ,
- մարզվել են,
- ձիավարել են
- տնկել են ծաղիկներ:
Ավելին՝ «Պարտեզ» ամսագրում: