Տեղեկատվական տեխնոլոգիաների բնագավառում ամենամյա կրթական պարգևի մրցանակակիրները
10/17/2023, 4:48:00 AM
![Տեղեկատվական տեխնոլոգիաների բնագավառում ամենամյա կրթական պարգևի մրցանակակիրները](https://uploads.mskh.am/uploads/posts/post_652ec39de830380c67817755_img.png)
ՏՏ բնագավառի Հայաստանի բնագիտական և տեխնիկական բուհերի 30 ուսանող և դպրոցների 9 սովորող արժանացան Տեղեկատվական տեխնոլոգիաների բնագավառում ամենամյա կրթական պարգևների:
Մրցանակակիր ինը սովորողներից երեքը «Մխիթար Սեբաստացի» կրթահամալիրի հետազոտական վարժարանի սովորողներն են: Գլխավոր մրցանակը նույնպես բերեցինք մեզ հետ: Ուսուցիչ՝ Հերմինե Անտոնյան:
Շնորհավորում ենք մեր սովորողներին: Կեցցե՜ք, Հերմինե Անտոնյան և ընկերներ՝ Հայկ, Տիգրան, Վահան:
Պարգևների հանձնումը տեղի ունեցավ այսօր՝ հոկտեմբերի 17-ին՝ «Սիլիկոնյան լեռներ» (Silicon Mountains) միջազգային տեխնոլոգիական գագաթնաժողովի շրջանակներում կազմակերպված հատուկ արարողության ժամանակ: Պարգևները հանձնեցին ՀՀ վարչապետի աշխատակազմի ղեկավար Արայիկ Հարությունյանը և ՀՀ կրթության, գիտության, մշակույթի և սպորտի նախարար Ժաննա Անդրեասյանը:
Այս տարվա մրցույթին մասնակցել է 73 սովորող ավագ և միջնակարգ դպրոցներից և 120 ուսանող բնագիտական ուղղվածություն ունեցող բուհերից:
Սիրողական տեսագրությունը՝ հղումով: